Mapimele, xipano xa ndhuma eka ligi ya Collins Chabane LFA, xi paluxe nxaxamelo wa vatlangi lavantshwa eka nguva leyi taka ya 23/24. Ku engeteriwa loku ka vatlangi ku languteriwa ku tisa ku hambana eka xipano tani hi leswi va tsakelaka ku tirha kahle eka ligi.
Loyi a rhangelaka nxaxamelo wa vatlangi lava Xipano xi nga vatsarisa i Ntlhandluko, loyi a tivekaka tani hi Sancho erivaleni, naswona u languteriwile ku tisa ntokoto wa yena kusuka eka xipano xa Dakari XI.
Thapelo, loyi yena a tivekaka hi vito ra TP, u joyina xipano xa Mapimele ku suka eka Mdabula Mighty Bull’s. Vukona bya yena byi languteriwile ku tiyisa xipano na ku nyika nseketelo wa nkoka eka mintlangu ya nkoka.
Xipano xitlherile xi tsarisa Tshovelo, ku suka eka Xipano xa Nhombelani Gunners, naswona ku hoxa xandla ka yena ku languteriwile ku va na xiave lexikulu eka matirhelo ya xipano.
Xipano xi tlhele xi amukela Request kusuka eka Xipano xa Mbhalati Happy Boys na Zweli ku suka eka Nhombelani Gunners, lava havumbirhi bya vona va languteriweke ku hoxa xandla eka ku humelela ka Mapimele eka ligi.
Ku engetela kwalaho, Gazi ku suka eka Magojini FC u engeteriwile eka xipano, ku tiyisisa ntlawa wa vusirheleri. Vufambisi bya xipano Lexi, byi kombisile tihlo lerikulu eka titalenta na ku nhluvukisa xipano.
Ku tlula kwalaho, xipano xitlherile xi tlakusa vatlangi vanharhu ku ya eka Xipano lexikulu ku nga Dunisani, Shaki na Siva.
Hikuya hi xipano Vatlangi lava lavatsongo va lulamerile ku endla mfungho wa vona eka ligi ya Collins Chabane no tisa vukarhi eka Xipano lexi.
