Eka mhangu yo vava, mudyondzisi wa malembe ya 60 hi vukhale loyi a nga huma penceni wo huma eLimpopo u wele eka vuxisi bya ku gangisana lebyi tsemaka mbilu naswona byi n’wi siyile a ri na gome swinene.
Mhangu leyi yi humelerile ePolokwane, laha wansati loyi, a nga kanganyisiwa (scammed) hi mali yo tlula R800 000.
Hi ku ya hi maphorisa, wansati loyi a a ri karhi a lava muhlekisana, khombo ra kona u hetelele a wela eka khombo ro tekeliwa mali ya yena hi munhu loyi a nga nwi kuma eka inthanete.
Maphorisa ya vula leswaku ” Wansati wa 60 wa malembe hi vukhale u kanganyisiwile hi mali yo tlula R800 000 eka vuxisi bya ku jola.”
Maphorisa ya tiyisisile leswaku matshalatshala ya le ku endliweni ku kota ku khoma lava nga na vutihlamuleri eka mhangu leyi.