Tomorrow All Stars a yi kombana matimba na xipano xa Halahala Movers fc eka hlekani wa siku ra namuntlha eka ntlangu wa SAB SAFA Vhembe eka nguva ya 23/24 naswona yi kotile ku tlanga ku ringana hi goli yinwe eka yinwe.
Hikuya hi xipano, Lawa i matirhelo ya kahle eka All starts, tanihi leswi a xi tlanga ntlangu wa xona wo sungula eka ligi leyi, tanihi leswi xi nga tlakusiwa kusuka ka Collins Chabane Promotional ligi. Naswona xipano lexi a xi hisekela ku endla mfungho wa yona eka ligi leyi.
Tomorrow All Stars xi kombisile ku tiyimisela na ku tiyisela eka ntlangu hinkwawo ku kondza swipano leswimbirhi swi avelana kutlunya wun’we wun’we, leswi ku nga mbuyelo wa kahle eka xipano xa Tomorrow All stars lexi xa ha ku tlakusiwaka.
Loko ntlangu wu fika emakumu, xipano xa Tomorrow All stars xi kombisile ku eneriseka ka xona eka pheji ya Facebook, ” leswi swa amukeleka tanihi leswi ku nga tlangu wa hina wo sungula eka ligi ya SAB.”
