Giyani- Meyara wa Greater Giyani, Cllr Thandi Zitha, u pfule ximfumo gondzo lerintshwa ra ring Road ya 2.6km emugangeni wa ka Shikhumba tolo, 22 Dzivamisoko 2024.
Phurojeke leyi i xiphemu xa matshalatshala lama yaka emahlweni yo ndlandlamuxa switirhisiwa eka tindhawu to hambana hambana ehansi ka Masipala wa Greater Giyani.
Meyara Zitha a heleketiwile hi Cllr Mabunda Thamsanqa, nhloko ya Nhluvukiso wa Switirhisiwa, na Cllr Constance Manganyi, nhloko ya Rihanyo na Nhluvukiso wa Vanhu, exikarhi ka vatirhela-mfumo van’wana.
Ku Sunguriwa Ku Akiwa Ring Road Leyintshwa emugangeni wa Hlomela
Eka nhluvukiso lowu hambaneke, Meyara Zitha u nyikile mukondleteri ku sungula ku aka gondzo rin’wana ra ring Road ro leha 2.6km emugangeni wa ka Hlomela.
Hambi leswi a langutane na minxungeto kusuka eka vakombisa ku vilela lava lavaka leswaku ku hatlisisiwa ku akiwa ka xikotiri xa patu ro suka eka Thomo kuya mugangeni wa ka Hlomela, Meyara u tiyisisiwile hi vuhlayiseki bya yena hi vaaki va ka Hlomela.
“Vaaki va ka Hlomela va tshembisile ku tiyisisa vuhlayiseki bya Meyara na xipano xa yena,” ku vula masipala.
Also Read : Giyani Municipality Withdraws Shutdown Warning Statement
Kontiraka leyintshwa yi languteriwile ku heta phurojeke ku nga si hela tin’hweti ta khume.
