Photo: Taken from Josefa Black Movers Facebook Page.
Xipano lexi xa ha ku ntlakusiwaka ku ya eka SAB League Josefa Black Movers xi tilulamiserile ku langutana na xipano xa Phylimak F C, nhlekani wa siku ra namuntlha eka mugangeni wa ka Josefa.
Black Movers yi ntlakusiwile ku ya eka ligi leyi, endzhaku ka matirhelo ya kahle swinene eka nguva leyi nga hundza, laha xi nga kuma xiyimo xa le henhla eka Stream A Collins Chabane Promotional League.
Hi ntshembo lowukulu na ku tiyimisela, mukaputeni wa xipano Mfana wa Good, u swi veke erivaleni leswaku, tanihi xipano va lunghekele ku ya tlanga kahle no hlula eka ntlangu wa vona wa namuntlha hambi kuri ku tsakisa vaseketeri va vona vo tshembeka.
Murhangeri wa xipano eriveleni Mfana wa Good u vule leswaku, “Hi tshembisa vaseketeri va hina leswaku hi ta ntlanga kahle.” I xitshembiso lexi xipano xi nga na xona eka vaseketeri va vona lava a va ri na vona ku suka siku ro sungula loko xipano xi ntumbuluxiwa.
Mukaputeni u tlherile a kandziyisa nkoka wa vukona bya vaseketeri. “Loko hi ri karhi hi tlanga ntlangu wa hina wa le kaya, hi langutele leswaku varhandzi va ta hi nhlayo ku ta vona ntlangu lowu.”
Ku ta ka vaseketeri va vona loko va tlanga ekaya ku vile nchumu wa nkokaswinene eka ku humelela ka vona eka nguva leyi hundzeke, hikuva a va hluriwanga na ntlangu na wun’we wa le kaya eka LFA League.
Hi ku titshemba no tilulamisela, va hisekela ku yisa emahlweni mikhuva ya vona yo hlula no tisa ntlangu wa xiyimo xa le henhla eka SAB League.
“Ku fana na nguva leyi nga hundza eka LFA League, yi lo hela nguva gi nga se tshama hi hluriwa eka mintlangu ya le kaya, hikokwalaho hi ta swi endla naleka nguva leyi,” ku tiyisisile mukaputeni
