Xipano xa Magomani All Zone xi ta langutana na mahelo ya vhiki yo tika eka SAFA VHEMBE HOLLYWOOD REGIONAL LEAGUE, tanihi leswi un’wana wa vatlangi wa vona nkoka a nga vaviseka.
Cry Sithole, loyi a nga rifuwo ra nkoka eka xipano lexi, u tava a nga ri Kona, mahelo ya vhiki leri tanihi leswi a nga vaviseka ‘Ankle injury’.
Magomani All Zone yi ta kombana matimba na Xipano xa Botsoleni United hi Mugqivela, nhlangula 21, loko xi nga se amukela xipano xa Marhavi FC hi Sonto, nhlangula 22, 2023 eka Magomani.
Ku pfumaleka ka Sithole hikwalaho ka ku vaviseka ka yena, handle ko kanakana swi ta vavisa xipano xa Magomani All zone endzheni ka rivala.
Vaseketeri va xipano va ta va va khome moya, va tshemba leswaku muntlangi Sithole u ta hatlisa a hola, tani hi leswi vukona bya yena erivaleni byi nga cincaka ntlangu.
