Maphorisa ya Limpopo ya khomile mubaleki loyi a ri kulaviweni hi Maphorisa , Thabo Zacharia Muyambo, loyi a tivekaka tani hi Thomas Chauke, xikan’we na muehleketeleriwa un’wana, Simon Mlambo, eModimolle vhiki leri nga hundza.
Muyambo a a balekile ekhotsweni ra Kgoshi Mampuru ePitori hi December 2020, laha a ri karhi a tirhela xigwevo xa vutomi hinkwabyo hikwalaho ko pfinya, ku tekela vanhu, na ku phanga.
Vaehleketelriwa lava ha Vambirhi va languteriwile ku ya emahlweni ka khoto ya majistarata ya Modimolle vhiki leri taka mayelana no va na xibamu na swibalesa leswi nga riki enawini.
Ku khomiwa ka vona ku vangiwe hi ku tshuburiwa ka xibamu xo hlota lexi a va ri na xona, leswi endleke leswaku ku va na vulavisisi byin’wana lebyi paluxaka vuxokoxoko mayelana na matimu ya vugevenga bya Muyambo.
Also Read : Six Arrested in Malamulele for Illegal Mining Activities
Colonel Malesela Ledwaba, muvulavuleri wa maphorisa eLimpopp u paluxe leswaku Muyambo a ri na xivumbeko xo karhata xa mahanyelo ya vugevenga. Hi 2021, u khomiwile exifundzheni xa North-West hikwalaho ka swihehlo swa yena swo katseka eka ku hlotiwa ka swihari.
Hambiswiritano, u swi kotile ku baleka ekhotsweni loko a ri karhi a yisiwa ehubyeni, leswi engeteleke eka nxaxamelo wa yena wa milandzu.
Ku khomiwa ka Muyambo na Mlambo swi kombisa matshalatshala lama nga heriki ya vatirhela-mfumo va nawu ku khoma swigevenga leswi nga na khombo na ku sivela migingiriko leyi nga riki enawini yo fana na ku hlotiwa ka swiharhi hi ndlela yo biha.
