Maphorisa eLimpopo ya lemukisa miganga eka vaxisi lava lavaka mali ya bribery eka vanhu lava va nga hlawuriwa ku ya tsala swikambelo swa SAPS Basic Training.
Leswi swiva kona endzhaku ka loko Maphorisa, ngopfu ngopfu exifundzheni xa Mopani ya tava ya amukerile swiviko swo tlula 15 ku suka eka lava a va tsala swikambelo swa vona swa psychometric.
Maphorisa ya vula leswaku ku na vanhu lava va byelaka vanhu lava va nga tsala swikambelo leswaku va fanele ku humesa mali, leswaku va ta kota ku pasa swikambelo leswi no tlhela vahlawuriwa.
Muvulavuleri wa maphorisa ya xifundzhakulu xa Limpopo Brigadier Hlulani Mashaba u vula leswaku “Vaxisi lava va bela riqingho eka lava nga tsala swikombelo swa psychometric, va va kombela leswaku va hakela mali, va ta kota ku pasa swikambelo leswi”.
Mashaba u yile emahlweni a vula leswaku vaaki a va fanelanga ku humesa mali, hikuva mintirho ya maphorisa a yi xavisiwi.
