Maphorisa ya le ku laveni ka muehleketeleriwa loyi a hehliwaka hi ku ringeta ku dlaya no pfinya, mhangu yi humelerile eka Tshikonelo, ehandlenyana na le ka Malamulele, hi Mugqivela, 18 May 2024.
Kuya hi Muvulavuleri wa Maphorisa eLimpopo Brigadier Hlulani Mashaba, Muhlaseriwa u hehle leswaku a ri na muehleketeleriwa eka yin’wana ya ti tarven leti kumekaku eka Mhinga loko a ta khandziyisiwa hi nkani hi muehleketeleriwa loyi a a chayela movha wa BMW wa silver grey.
“Loko va fika ePfalanomo, muehleketeleriwa u n’wi pfinyile kutani a n’wi siya kona,” ku vula Brigadier Hlulani Mashaba.
“Loko muhlaseriwa a ri karhi a tsutsumela eka Tshikonelo u vona mavoni lama taka ya movha wa movha wu ri karhi wu tshinela. Loko a ku hahlu mahlo u kume leswaku i wanuna loyi a n’wi pfinyeke,” ku engeta Mashaba.
Mashaba u yile emahlweni a vula leswaku, Muehleketeleriwa u xungetile muhlaseriwa leswaku a nghena emovheni, ” u nghenile kutani a biwa a tlhela a tlhaviwa hi bodlhela ra biya,” ku engeta Mashaba.
Loko muehleketeriwa a vona leswaku muhlaseriwa o nge u lovile, u nwi cukumetile ehandle kutani a baleka.
“Endzhaku ka nkarhi Muhundzi wa ndlela u vonile wansati loyi kutani a nwi tsutsumisela exibedlhele xa le kusuhi leswaku a ya kuma vutshunguri,” ku vula Mashaba.
Nandzu wo ringeta ku dlaya ni ku pfinya wu pfuriwile.
