Loko maxelo ya ya emahlweni ya hisa, swina nkoka swinene kutwisisa leswaku ku tlakuka ka magandlati yo hisa swinga khumba njhani vuhumelerisi bya vurimi byale marateni, ngopfu ngopfu eka miganga leyi titshegeke ngopfu hi swakudya swo rimiwa.
kuna switandzhaku leswi nga vaka kona eka swibyariwa swale majarateni, leswi swi nga va ngi waka hiku tlakuka ka mahiselo. Xin’wana xa swilo leswikulu leswi karhataka hi ku tlakuka ka magandlati yo hisa i nkucetelo wa wona wo biha eka mbuyelo wa swibyariwa.
Mahiselo yale henhla yanga endla leswaku kuva na ntshikelelo wa kuhisa eka swimilani, leswi nga khumbhaka loko swi ta eka ku kula. Leswi swinga endla leswaku kuhunguteka vuhumelerisi hinkwabyo bya vurimi byale marateni, naswona swi nga endla leswaku kuhunguteka ka swakudya leswi byariweke ekaya eka miganga leyi titshegeke hi swona.
Hakanyingi magandlati yo hisa ya fambisana ni swiyimo leswi fanaka ni dyandza, leswi nyanyisaka timhaka ta ku pfumaleka ka mati. Ku kumeka ka mati lokuntsongo swinga tisa mintlhontlho leyikulu eka vurimi, tani hileswi swimilani swilavaka ku cheletiwa loku ringaneleke leswaku swita kula kahle.
Hi ku ya hi Dr. Ethel Phiri, “Swi Milani swa le Makaya, swa swi kota ku hatla swi ntolovela ku cinca ka Maxelo kuza swi kota ku mila hambi mpfhula yi nga hani ku fana na karhi lowu hundzhaka.” Loko a ya emahlweni u vurile ku engetela ka ku hisa kumbe ku cinca ka maxelo a swi hoxi xandla swinene eka swibyariwa swa le Majaratini.
Ku tlakuka ka mahiselo swinga tlhela swi cinca dynamics ya switsotswana na mavabyi lawa ya khumbhaka vurimi byale marateni. Switsotswana swikula kahle eka swiyimo swo kufumela, leswi endlaka leswaku kuva na ku engeteleka ka switsotswana leswinga onhaka swibyariwa.
Ku engetela kwalano, mahiselo yale henhla yanga endla ndzhawu leyinene swinene eka ti-pathogens ta swimilani, leswi engetelaka khombo ra ku tumbuluka ka mavabyi. Swilo leswi loko swi hlanganisiwa swi veka ntshikelelo eka vuhumelerisi na ku humelela ka vurimi bya le marateni.
Tanihi leswi Maxelo ya cincaka, i swa nkoka swinene leswaku miganga leyi titshegeke hi vurimi yi hlangana, yi tlhela yi seketelana. Ku avelana vutivi, ntokoto, na maendlelo ya kahle swinga pfuna vanhu ku tolovela maxelo lawa ya cincaka naku ndlandlamuxa maendlelo ya vona ya vurimi.
