Ku khomiwile Vaehleketeleriwa vambirhi va malembe ya 39 na 30, naswona va languteriwile kuya ekhoto ya majistarata ya Bela Bela eLimpopo hi Ravumbirhi.
Muehleketeleriwa un’we u khomiwile hi Sonto loko loyi un’wana a khomiwile hi Musumbhunuku eRustenburg na Bela Bela, naswona va khomiwile hi ku landzelelana. Va henhliwa hi milandzu yi mbirhi ku nga nandzu wo tshova xikanwe na ku yiva.
Muvulavuleri wa Hawks Katlego Mogale u vula leswaku ku khomiwa ka muehleketeleriwa wa vunharhu ku le kusuhi.
Purasi ra president ri vile eka tinhlokomhaka ta mahungu lembe leri nga hundza endzhaku ka loko khale ka mufambisi wa ti-spy Arthur Fraser a paluxe leswaku magidi ya tidolara ta Amerika ti yiviwile epurasini hi February 2020.
Naswona Fraser u hehla leswaku Ramaphosa u ringetile ku funengeta vukhamba bya le purasini ra Limpopo.
Eku sunguleni ka lembe leri, vulavisisi bya Vukorhokeri bya Vuhlayiselo bya Afrika-Dzonga, Bangi ya Vuhlayiselo bya SA, na Musirheleri wa Vaaki byi ntshunxe murhangeri Ramaphosa eka vudyoho byihi na byihi.
Hambiswiritano, phanele yo tiyimela leyi simekiweke hi Palamende yi kume vumbhoni bya leswaku Ramaphosa u tlule xihlambanyo xa yena xa ntirho hi ku landzela ku phangiwa loku.