GIYANI – Mdunwazi Ngwenyama, khale ka mutirhela mfumo wa ndzawulo ya xi kaya (Home Affairs), u nyikiwile xigwevo xa khume mune wa malembe ekhotsweni hi khoto yo hlawuleka ya vugevenga bya mabindzu ya Giyani hikwalaho ka vukungundzwana
Ngwenyama, wa malembe ya 47, u voniwe nandzu wo tsarisa no humesa xitifikheti xa ku velekiwa xa vuxisi hi December 2021. Xitifikheti lexi a xi ri xa munhu loyi a nga tsariwangiki eka tirhekhodo ta Ndzawulo ya Home Affairs hi nkarhi wolowo.
Swiviko swi kombisa leswaku Ngwenyama u nyikile tsalwa ra vuxisi eka Peter Baloyi wa malembe ya makume nharhu nhungu (38) loyi a tirheke tanihi muhlanganisi eka ku xaviselana loku.
Hi ku tlherisela, Ngwenyama u kume mali ya R1,000. Vulavisisi byi paluxe leswaku xitifikheti xa vuxisi a xi endleriwe muaka-tiko wa tiko ra Zimbabwe.
Vavanuna lava havambirhi va sungule ku ya ekhoto ya Malamulele naswona va nyikiwile beyili leyi vekiweke eka R1,000. Hambiswiritano, ku gweviwa ka Ngwenyama sweswinyana ku n’wi vonile a kuma malembe ya nhungu hikwalaho ka vukungundzwana na malembe yo engetela ya tsevu hikwalaho ka vuxisi.
Hi September 2023, Baloyi u pfumerile nandzu ekhoto ya vugevenga byo hlawuleka bya mabindzu ya Giyani. Endzhaku ka sweswo u gweviwe ku tshama ekhotsweni malembe ya ntlhanu kumbe ku hakela mali ya R6,000.
Also read: EFF’s Tshilidzi Maraga Voices Concern Over Home Affairs Sanitation Crisis
Nandzu lowu wu kandziyisa vuyelo byo biha bya vukungundzwana endzeni ka swivandla swa mfumo naswona wu tirha tanihi xilemukiso eka van’wana lava katsekaka eka migingiriko leyi fanaka leyi nga riki enawini.
